Crynwyr Gogledd Cymru

Mae'r Crynwyr wedi tyfu o wreiddiau Cristonogol cryfion, ond mae profiad personol a gweithredu wedi bod yn fwy pwysig na dogma erioed. O'r herwydd nid oes gennym gredo, ac rydym yn agored i ystod eang o gred.

Mae rhai pwyntiau cyffredin sydd yn ein cydio yn gymuned addolgar:

• Mae goleuni Duw ym mhawb.
• Gall pob unigolyn gael perthynas uniongyrchol a phersonol a Duw - nid oes angen offeiriad na gweinidog yn gyfryngwr.
• Caiff ein perthynas � Duw ei feithrin drwy ein haddoliad o aros distaw.
• Natur Duw yw cariad.

Mae'r pwyntiau hyn yn ein harwain at ymdrechu dros:

• gydraddoldeb dynoliaeth,
• symlrwydd yn ein haddoliad a'n buchedd,
• heddwch,
• cyfiawnder cymdeithasol,
• yr hawl i ryddid cydwybod,
• y syniad o rannu cyfrifoldeb am fywyd ein cymunedau a chyfanrwydd y cread

Byddwn yn cyfeirio at y rhain weithiau fel tystiolaeth Grynwrol.